Ndwen gonq 31 hauh, Mungzsanh Yen doenghboux gyaez fouxgvangj- cangz haenx youq aen yienh neix hingzcwng cungsim biujyienj foux- ndangcangq. Ngoenz haenx, 10 aen doih fouxndangcangq lwgmbwk daj ndaw yienh daeuj haenx, yungh gij foux mbinfwfw caeuq doenghyubyub gyoengqde foux ok gij cingsaenz gyaeundei ndangcangq mehmbwk seizdaih moq, angqhoh bi moq daeuj daengz.

(Gvanh Sinh/关 新)