Daxbuz gou gaenq gvaqseiq seiq bi lo, hoeng gij najriu de ciengz youq ndaw uk gou okyienh.

Gou daegbied gyaez gwn gij haeux daxbuz cawj haenx. Gij haeux daxbuz cawj haenx gig feihdauh. Seizneix, moix baez siengj hwnj gij haeux daxbuz cawj haenx, myaiz gou couh rih roengzdaeuj. Gou ceiq gyaez gwn souhhaeuxyangz daxbuz cawj haenx, caiq boiqhwnj geij deb byaek feihdauh, cungj ndei gwn haenx sawj gou baenzlawz cungj lumz mbouj ndaej.

Moix bi seizdoeng, daxbuz cungj guh buhmienz hawj gou. Gij buhmienz daxbuz guh haenx youh unq youh raeuj. Gou daenj le, mboujguenj youq baihrog guhcaemz geijlai nanz cungj mbouj roxnyinh nit.

Seiq bi daeuj, gou cijaeu siengj daengz caiq hix yawj mbouj raen najriu daxbuz, mbouj ndaej gwn haeux daxbuz cawj, mbouj ndaej daenj buhmienz daxbuz guh haenx, raemxda gou couh nyaenx mbouj youq lae roengzdaeuj.

Daxbuz, mwngz youq gwnz- mbwn lij ndei lwi? Gou caen siengj mwngz ha!

(sam nienzgaep Yangz Yijcenh)