●Ndwen 12 ngoenz 1 dwg aen daih samcib “ngoenz bingh’aiswh seiq- gyaiq”, Yungzsuij Myauzcuz Swciyen youq aen gvangjcangz aenvenz banh fuengz bingh- aiswh senhconz gyauyuz hozdung, doenggvaq fatcuengq senhconz swhliu、yienhciengz ciepsouh vunzlai camcaz caeuq yawj bingh hawj vunzlai mbouj aeu cienz, caenh’itbouh daez- sang gij yisiz ancienz caeuq cangqheiq vunzlai.

(Gungh Siengzyouj)

●Ndwen 12 ngoenz 2, Lozcwngz Mulaujcuz Swciyen Anhgenhgiz Gunghvei caeuq aen dangjcihbu bae Siuj- cangzanh Cin Lizsinh Cunh aen yienh neix lienzhab haiguh cawjdaez hozdung. Doenggvaq guh ciengj daengq、goemqnaj roq laz、bengcag doxdax daengj hozdung, caenh’itbouh hawj song mbiengj gyalai doxgyau, gaenxmaenx caux ok gij heiq- faenh doxgiet huzndei、gaenx guh doxhwnj、gamj buek gamj guh, gikfat gij yiedcingz caezgya hwnjguh Mbanjmulauj gyaeundei vuenyungz.

(Liu Gvanghfuz)

●Ndwen 12 ngoenz 1, Ningzmingz Yen Gyauyuzgiz、Ningzmingz Yen Gungh’anhgiz Gyauhgingj Dadui lienzhab haiguh ngoenz gyaudoeng ancienz daengx guek “122 doengh hwnjdaeuj” gyaudoeng ancienz cihsiz doxdax hozdung, doenggvaq haiguh “ngoenz gyaudoeng ancienz daengx guek” soengq fap haeuj ndaw- hag hozdung, caenh’itbouh daezsang le gyoengq hagseng hag、souj、senhconz gyaudoeng ancienz faplwd fapgvi yisiz.

(Couh Yizgangh Nungz Cidingz)

●Ndwen 12 ngoenz 2, aenhoih dinbyaij daengx guek youz Aen Hezvei Binbya Cungguek、Guengjsae Boux- cuengh Swcigih Dijyuzgiz、Baksaek Si Yinzminz Cwngfuj cawjbanh haenx youq Baksaek Si(Cingsih、Dwzbauj) hai, ca mbouj geijlai 500 boux boux- gyaez dinbyaij daj daengx guek 18 aen sengjgih daeuj haenx camgya baez dinbyaij hozdung neix.

(Cangh Ailinz)