Daengz bineix ndwen 11 daej, Denhdwngj Yen gungh youq daengx yienh 54 aen mbanjgungzhoj guhsat gij hong aen cawjdaez hozdung dwg “denyingj Vahcuengh roengz mbanj, bangrengz cinjcing bangfuz”, youq banhaemh cuengqingj denyingj 54 ciengzbaez.

Vih cienzmienh doeksaed gij guhhong anbaiz daengx gih gven- daengz denyingj Vahcuengh roengz mbanj hozdung, bineix ndwen 11 co, Denhdwngj Yen Minzcunghgiz caeuq Denhdwngj Yen Daihdeih Dajcang Gvangjgaubu ciemdingh, youz Aen Camhcuengqingj Denyingj Denhdwngj Yen Vwnzgvangjgiz ciengzsaeq son- yinx, laebdaeb youq daengx yienh 54 aen mbanjgungzhoj haiguh denyingj Vahcuengh roengz mbanj hozdung, cujyau cuengqingj 《Gij Gisuz Haeux- yangz Hableix Ndaem Deih Laisou》《Gij Gisuz Viq Biz Vaiznoh》 daengj gohgyauben Vahcuengh caeuq 《Hoenx Manaez》《Aendingzdingj》 daengj gij benqgojgaeq hoiz baenz Vahcuengh haenx, vunzlai yawjngonz daengz 1.6 fanh vunzbaez doxhwnj. Cuengqingj seiz, Denhdwngj Yen Minzcunghgiz venj fuk baengzhoengz miz Cuengh Gun song cungj saw 54 diuzbaez, fat cienzdan、ceksaw iq、doxgaiq geiq- niemh daengj miz Cuengh Gun song cungj saw 5000 lai faenh.

Baez hozdung neix mboujdan fungfouq le gij neiyungz saedceij vwnzva seizhoengq vunzlai mbanj- gungzhoj, caenh’itbouh cienzdoh le gohgi cihsiz, bangrengz gohgi bangfuz、dungxcaiz vut gungz, caemhcaiq fungfouq le senhconz caidij, baez daih’it yungh Vahcuengh roengz mbanj cuengqingj hozdung senhconz gij cwngcwz vahsaw minzcuz dangj, hawj engq lai vunz roxyiuj vah minzcuz, lij ndaej hawj vunzlai dox baedauq doxyungz, gyagiengz minzcuz doxgiet, henhoh ndawbiengz onjdingh, bangrengz hwnjguh aen biengz huz- ndei.

(Vangz Souciz/黄寿积)