Moix haemh gou cungj ngaeq daxmeh gangj gij saeh gou gig iq gig iq haenx.

“Mwngz ya, seng roengzdaeuj nyaeuq- nyatnyat, daengx ndang hauswdswd, lwgfwngz oet haeuj bak bae, dwggyaez raixcaix. Lij caengz ndaej ndwen, naj mwngz gig henj, daxmeh daiq mwngz bae yihyen genjcaz, husw daj goekga mwngz cou 4 doengz lwed……” Daxmeh moix baez gangj daengz neix, raemxda couh lae lo. Gou dawz ceij daeuj bang daxmeh uet raemxda, naeuz: “Meh, mwngz ciengx gou hung, mwngz sinhoj lo. Gou ciengxlwenx gyaez mwngz!” Daxmeh umj ndaet gou youq ndaw rungj. Gou itdingh guh boux lwgnyez roxsoq he, lai guh gij saeh gou guh ndaej haenx, bang daxmeh guh hongranz.

(ngeih nienzgaep Vuh Yimingz)