10 nyied 25 hauh, Yungzanh Yen Daihngeih Sizyen Siujyoz gawjhengz daih 50 gaiq denzging yindungvei cawjdaez dwg “go laex guh dazyinx, riengz siengjmuengh byaijbae”, gyoengq hagseng youq gwnz haimuqsik boq minzcuz yozgi bahvuh、foux bahvuhcauh daengj biujyienj, caenh’itbouh hungzyangz caeuq swnjcienz minzcuz vwnzva, daezswng minzcuz gag-saenq、vwnzva gagsaenq.

Gaenh geij bi neix daeuj, Yungzanh Yen Daihngeih Sizyen Siujyoz dawz swnjcienz Cunghvaz conzdungj vwnzva dangguh cujyau neiyungz daegsaek gyauyuz, gonqlaeng hai guh le minzyoz、vwnzcangz、caijdiu、geizciengh、dwkgienz daengj 10 geij aen hanghmoeg daegsaek gocwngz, caenh’itbouh swnjcienz conzdungj vwnzva, ciuyinx ndaej haujlai lwgnyez daeuj hagsib daejniemh.

(Danz Gaijhingh/谭凯兴)