Bonjbauq siusik(gicej Cau Dwzfeih) Ndwen 10 ngoenz 29, aen vanjvei geiqniemh Gozvuyen fatdingh 《Fueng’anq Sawcuengh》 60 hopbi caeuq cienciengz langhbaij gij cingzgoj Namzningz Si minzcuz vwnzva “sam haeuj” hozdung youq aen daizheiq Namzningz Huzminzgoh banh. Vanjvei yienhciengz ciengqgo diuqfoux, cezmuz ndei yawj raixcaix, yinx ndaej ca mbouj geijlai 2000 boux vunz daengz dieg yawjngonz vanjvei. Vanjvei langhbaij le gij hong Sawcuengh Vahcuengh Namzningz caeuq gij cingzgoj minzcuz vwnzva “sam haeuj” hozdung aeundaej haenx, yienh’ok gij simcingz angq- yangz lwg Mbanjcuengh angqhoh Cibgouj Daih dangj hai ndaej ndei.