10 nyied 26 hauh, gouj nyied cogouj yaek daengz, Lozcwngz Mulaujcuz Swciyen Denhhoz Cin Denhhoz Segih, iucingj aen segih neix bouxlaux louzyouq 60 bi doxhwnj caeuq Denhhoz Cin bouxsimndei youq rog guhhong haenx 1000 lai vunz daeuj camgya aen segih neix youq diuz gai Cunghsanh gawjhengz Bi 2017 gouj nyied cogouj hozdung.

Ciuq cam rox, mbat hozdung neix dwg youz Denhhoz Segih “song veij” ganbu fat hwnj, aeu fat cangyisuh hingzsik yiengq segih sojmiz bouxsimndei fat hwnj angq gien cangyi, sou comz hozdung cienzngaenz, caez vih segih vunzlaux angq hoh aen ciet gouj nyied cogouj, hawj gyoengq vunzlaux segih cietsaed gamjsouh daengz gij raeujrub daihgya.

(Liu Gvanghfuz/廖光福)