Ngoenzhaenx, mwh gou caeuq daxmeh daeujdaengz gunghyenz giz guhcaemz seiz, gou siengj bi aennungxningh, hoeng moix aen nungxningh cungj baizdoih haujlai vunz, gou cijndei caj ha caj……cungjsuenq daengz gou lo, gou byaij daengz henz aennungx- ningh, hoeng daxheiz henz ndang nyoengx gou mbat he, siengj hawj lwgnyez de caiq bi yaep he. Mwhhaenx gou gig vei yawj dwk daxmeh, bonjlaiz laihnaeuz daxmeh aiq caeuq daxheiz neix doxceng saek mbat, vih gou okheiq, byawz rox daxmeh cij dwg riuriu, doiq gou naeuz:“Byaij ba, gvai, raeuz bae baiz aen wnq.” Yienghneix, gou riengz daxmeh byaij bae lo, ndawsim cix gig mbouj fug.

Youh baiz baez doih he le, cungjsuenq youh lwnz daengz gou lo, gou vaiqdangq naengh hwnj aennungxningh bae, angqvauvau bibuengq hwnj- daeuj. Hoeng gou ngamq bi yaep ndeu, daxmeh couh doiq gou naeuz: “Bi daengz neix ba, hawj bouxwnq hix daeuj bi yaep ndeu.” Gou baez dingq couh naeuz:“Mbouj ndaej! Gou lij caengz bi gaeuq ne, hax- baenh gyoengqde vihmaz mbouj nyiengh gou ne?” Daxmeh naeuz:“Mwngz gawq- yienz mbouj gyaez cungj vunz haenx, swhgeij vihmaz youh aeu guh cungj vunz neix ne?” Gou siengjsiengj le, roxnyinh daxmeh gangj ndaej miz dauhleix, gou danghnaeuz itcig ciemq aennungxningh, mbouj couh dwg caeuq daxheiz haenx ityiengh luma? Gou siengj doeng lo, couh angq dwk nyiengh aennungxningh hawj siujbaengzyoux youq henz caj haenx. Yawj gij yiengh boux lwgnyez naengh aennungx- ningh angfwngfwng haenx, gou hix angq dwk riu lo!

Ngoenzde yienznaeuz mbouj ndaej bi nungxningh bi daengz gvaqyinx, cix caeuq daxmeh hag daengz aen dauhleix guh vunz he, caen dwg daejniemh le lingh cungj angq he ha!

(sam nienzgaep Yenz Suihih)