Youq ndaw ban, gou dwg hagseng ndei caezgya goeng- nyinh haenx, gaujsi daengx ban daih’it, gak goh cingz- cik maenhndei, yawj daeuj couhdwg “bouxyozba”. Dang daih’it yienznaeuz gig miznaj, hoeng mbouj itdingh dwg gienh saeh ndei ndeu.

Couh beijgangj gou aeu ndaej daih’it mingz, cingqsoq dwg sai le haujlai haujlai yiet- naiq seizgan cij vuenh ndaej daeuj ha. Gou ciengzseiz yungh geij diemj cung daeuj guh daezsuyoz, daeuj yawj saw, daeuj sij faenzcieng, vanzlij lienh cih vehveh, yienznaeuz yawj daeuj yienghyiengh cungj baenz, hoeng gou dauq noix le haujlai seizgan guhcaemz. Mwh it、ngeih nienz- gaep, gou ndangcangq, maij doengh, moix ngoenz roengz- dangz le, couh caeuq doengzdoih bae guhcaemz. Seizneix, gou cij rox gaem hwnj cek saw ndeu, caembyambyam dwk daj roengz- dangz yawj daengz hwnjdangz. Caemhcaiq, gou saetbae ndang- daej maenhcangq lo.

Mbouj rox seiz lawz, gou deng daenj hwnj aenmauh daih- it mingz. Aen mauh neix mbouj cwxcaih geijlai, de hawj vunz sim mbouj onj, hawj vunz naengh ninz mbouj baenz. Caeuq daih- ngeih、 daihsam doxbeij, daih’it dwg “gaiqdieg bouxbing itdingh ceng’aeu haenx”. Daenj hwnj aen mauh neix le, couh ciengz- seiz deng vunz ngeixlwnh.

Danghnaeuz caiq hawj gou miz gihvei dauqbae, gou cingz- nyienh dang boux hagseng ndangcangq bingzciengz ndeu, cingzcik mbouj ndei hix mbouj yaez, cij dwg laeq lwgnyez ndaej swyouz ndeu.

(Cuih Hoyauz sij Ouh Caijfangh hoiz)