Seizcou daengz lo, suenmak najranz gou fungsou lo. Mak- bingzgoj nding’yanyan venj rim nyefaex, miz mbangj launyaenq ndoj youq raeb mbawfaex, miz mbangj daihfueng enj aen- dungxbongq de okdaeuj, lij miz mbangj caeuq gyoengq beix- nuengx caenx youq doxcaez, vuenyungz dwk riunyumnyum. Makndae henjrwg lumj aen heiqgiuz iq nei, rumz baez ci, mbouj dingz bi dwk, lumj dwg ceng naeuz:“Vaiq daeuj mbaet gou, gou ceiq van!” Ceiq yinx vunz haenx dwg maksanhcah, daj giz gyae yawj bae, gwnz gomak lumj baenz aen baenz aen giuzfeiz iq dawzfeiz nei, yawjraen gij maksanhcah ndingfoedfoed neix, gou couh siengj hwnj gij feihdauh diengzhuzluz, sikhaek couh myaiz rih roengzdaeuj. Gomak mbiengj haenx ne, dwg maksigloux riu dwk bak ajrabrab haenx, mwngz yawj de cingq ngaek gyaeuj coh gou ne!

Gou dawz aen doengj iq he bae ndaw suenmak mbaet mak, gou ceiq siengj mbaet makndae, aenvih go makndae neix dwg daxgoeng ndaem. Mwh gou ngamq ndaej song bi, daxgoeng daj ranzcoj senj miuzmak daeuj, ndaem youq najranz, de naeuz mak neix dwg mak ranzcoj, daiq miz gij namh ranzcoj. Moix bi cungj dwg gou rwed raemx dwk bwnh hawj go makndae neix, ndigah dawz mak daegbied lai、daegbied hung, mak cug le gou couh baen hawj ranznden gwn.

Maksanhcah cug le, miz mbangj baez bungq couh loenq roengzdaeuj, cug gvaqbouh le couh gag loenq roengzdaeuj. Gij- neix couh hawj duzmoed、duz- roeg doenghgij doenghduz haenx gwn ba!

Suenmak fungsou lo, daih- gya cungj ndaej gwn, geijlai vuenyungz ha!

(sam nienzgaep Lij Cauwnh)