Mboujguenj youq ndaw hagsib, roxnaeuz youq ndaw bingzseiz gwndaenj, bungz daengz dwgrengz, gou cungj dwg doiq swhgeij naeuz: “Gou guh ndaej!”

Miz baez ndeu, gou caeuq daxboh daxmeh bae bin bya, lohbya gig lingq, hoeng byaij baema engq dwgrengz, gou youq ndawsim gag doiq swhgeij naeuz: “Gou guh ndaej!” Yienghneix gou caeuq daxboh daxmeh dox- caez bin hwnj dingjbya bae lo.

Mwh lienh diuqcag, gou gig nanz diuq gvaqbae, miz seiz gou cungj yaek ciedmuengh lo. Hoeng gou moix baez siengj hwnj “gou guh ndaej” coenz vah neix seiz, gou youh dauq miz saenqsim lo. Yiengjneix, gou mbouj mbwq mbouj lau dwgrengz, baez youh baez bae hag, doeklaeng hag rox diuqcag lo, mwhde gou cungj baeg ndaej hanh lae hanh roenx lo, hoeng gou gig angq, aenvih gou hag rox diuqcag lo.

Mwh youq hagdangz cizyiz, miz baez ndeu, boux doengzhag caeuq gou cizyiz haenx doiq gou naeuz: “Gyaj Swjbanh, raeuz bae vuenh raemx ba!” Gou dingq de gangj le, miz di yaemhywx, hoeng siengj daengz “gou guh ndaej” coenz vah neix seiz, gou youh dauq miz saenqsim, bae vuenh raemx lo.

Gou gyaez “gou guh ndaej” coenz vah neix, youq mwh gou saet bae saenqsim, coenz vah neix cungj dwg bang gou hoizfuk saenqsim, ndigah gou gyaez coenz vah neix.

(sam nienzgaep Gyaj Swjbanh)