Miz ngoenz ndeu, daxmeh okbae lo, gou gag youq ranz yawj densi.

Sawqmwh, ndaw densi cezmuz naeuz: “Cingj siujbaengzyoux dawz dienhvah hwnj bued aen haumaj 168331xx, sikhaek miz gingheij bw!” Gingheij dwg gijmaz ne? Dwg mbouj dwg soengq laex? Gou dawz dienhvah hwnj bued doeng dienhvah le, ndaw dienhvah dwg gangj aengoj muihung muingeih. Gou dingq geij faencung le, mbouj dingq ndaej ok miz gijmaz gingheij. Gou mbouj fug, youh dwk cibgeij baez, dingq daengz haenx cungj dwg gojgaeq.

“Daxmeh, ngoenzcog gou aiq sou daengz aen gingheij he!” Gou doiq daxmeh ngamq haeuj ranz haenx naeuz. “Gijmaz gingheij?” Daxmeh gig ngeiz. Gou gangj gij saeh gou dwk dienhvah haenx hawj daxmeh nyi, daxmeh sikhaek cam:“Mwngz dwk geij bae?” Gou wzwz azaz naeuz: “Dwk cibgeij bae……” “Ai, gingheij couh dwg ranz raeuz wnggai gyau bit cienzdienhvah hung he lo.” Daxmeh naeuz.

Ngoenz daihngeih, daxboh caz mbat he, dai lo, gou dwk gij dienhvah haenx itgungh 328 maenz!

(ngeih nienzgaep Ouhyangz Siuhbingz)