Miz baez ndeu, daxboh hai ci daiq dou bae youz. Buenq loh daxboh naeuz gyaqci youz yaek liux lo, bae gya youz cij ndaej.

Seizde, daxmeh doiq gou caeuq dahcej naeuz:“Gou daeuj gaujgauj sou, swng heiqyouz he dwg 5.9 maenz, raeuz yaek gya rim aen siengyouz, couh yaek gya 68 swng heiqyouz, yaek gyau geijlai cienz ne?”

Gou caeuq dahcej cungj youq ndawsim suenq. Cij geij miux cung gou couh suenq okdaeuj lo, dwg 401.2 maenz. Dahcej naeuz:“Mwngz baenz- lawz suenq ndaej baenzneix vaiq? Dwg luenh gangj ba?”

“Dangyienz mbouj dwg, Gou miz fuengfap suenq ndaej vaiq. Sien suenq 6×68 dwg 408, caiq suenq 408-6.8, couh dwg 401.2.”

“Yo, caen coengmingz!” Daxmeh riu dwk naeuz: “Gou caiq gaujgauj mwngz, dangh- naeuz swng heiqyouz he hai ndaej 15 cienmij, yienghneix, 68 swng heiqyouz hai ndaej geijlai cienmij?”

“Neix engqgya ndei suenq! Aen soq he swngz 15, ndaej dawz aen soq neix cietbuenq caiq gya aen soq neix, caiq aeu ndaej soq swngz 10, 68 buenq he couh dwg 34, 34+68=102, 102×10=1020, hix couh dwg 68 swng heiqyouz hai ndaej 1020 cienmij.” Gou daekeiq dwk naeuz.

Daxmeh lienzlienz ngaek gyaeuj, haenh gou naeuz: “Suenq ndaej gig ndei, youh vaiq youh deng!”

(seiq nienzgaep Cangh Cenhgyah)