Saeceij daihvuengz bingh hwnq mbouj ndaej lo. De siengj: Dwg daengz seiz ra boux doenghduz coengmingz daeuj ciepswnj vuengzvih vuengz- guek doenghduz lo.

Yienghneix, saevuengz roengzlingh gawj- banh ciengz ndaw ndoengfaex ceng vuengz doxdax he. Vuengzguek doenghduz goenjhuhu lo, daihgya cungj doxcanj bauqmingz camgya doxdax. Doxdax geij lwnz le, nyaenma caeuq duzlingz ndaej haeuj gietsaiq.

“Cingj dingq daez!” Duzciengh caizbuenq hainduj ok daez lo, “Gyaq hujci he miz 20 aen siengci, moix aen raez 23 mij, moix miux buet ndaej 15 mij. Mwh hujci doeng gvaq aen giuzhung he yungh 75 miux cung, aen giuzhung neix miz geijlai raez?”

Nyaenma sikhaek ciengj dap: “Aen giuzhung neix raez 75×15=1125 (mij). Diuz daez neix daiq yungzheih luba!”

Daihgya cingq yaek bekfwngz, duzlingz cix sing hung naeuz: “Mbouj deng, mbouj dwg 1125 mij! Giuzhung cij miz 665 mij. Aenvih hujci daengx aen ndang cienzbouh gvaq aengiuz cij suenq doeng gvaq, ndigah lij yaek gemj ndang raez gyaq hujci cij suenq ndaej ok aengiuz miz geijlai raez. Hujci raez 23×20=460, giuzhung raez 1125-460=665 (mij).”

Gyoengq doenghduz fwt rox lo, daihgya bekfwngz goksasa.

Couh yienghneix, duzlingz baenz boux- ciepswnj vuengzvih vuengzguek doenghduz lo.

(seiq nienzgaep Sinh Cwzyij)