Youq ndaw ndoengfaex, miz haujlai doenghduz, miz duzguk vifung、nyaenma coengmingz、 gaeqseng dasang……

Miz ngoenz ndeu, lwgdouq cingq mbaet lwgraet, sawqmwh, ndaw ndoengfaex doek fwnhung, fwnhung itcig doek sam ngoenz sam hwnz. Lwgdouq yawj rog congh, dai lo, baihrog cungj deng raemx dumh lo, mbatneix baenzlawz ma ranz ha?

Couh youq mwhhaenx, gvaqdaeuj duz bit he, lwgdouq couh cam: “Dahcej bit, mwngz soengq gou ma ranz ndaej lwi?”

“Mbouj ndaej, yienghneix gij bwn gyaeundei gou couh deng uq lo.” Duzbit mbouj haengj bang.

Seizhaenx, gvaqdaeuj lwgmax he, lwg- douq youh cam: “Daeggo max, mwngz soengq gou ma ranz ndaej lwi?”

“Dangyienz ndaej lo!” Lwgmax gig sangj dapwngq de.

Lwgmax soengq lwgdouq ma daengz ranz lo.

Lwgdouq gig gamjgik, doiq lwgmax naeuz: “Gyo’mbaiq mwngz, gomax.”

Lwgmax maeuz: “Va aeu mbaw dak, vunz aeu vunz bang, gangj mbouj dingh gvaqlaeng gou hix heuh mwngz bang ne! Mbouj yungh gyo’mbaiq law!”

(sam nienzgaep Dangh Gyahsiengz)