Daxboh yaek bae rog aeu huq, lauheiq ndaw bouq mbouj miz vunz yawj. Lingzlwg Coeng- coeng couh gag naeuz:“Boh, gou daeuj yawj aenbouq.”

Daxgoengyiengz daeuj- daengz ndaw bouq cawx doxgaiq, Coengcoeng yiedcingz cam naeuz:“Daxgoengyiengz, siengj cawx gijmaz ha?”

“Ranz dou 7 duz yiengz- lwg. Mbwn nit lo, gou siengj cawx hawj gyoengqde moix vunz aen daehraemxndat caeuq gouh madfwngz he.”

“Daehraemxndat moix aen 37 maenz, madfwngz gouh 23 maenz, itgungh 420 maenz.” Coengcoeng siengj hix mbouj siengj couh gangj ok bak.

“Coengcoeng, mwngz suenq ndaej baenzneix vaiq, mbouj suenq loeng ba?” Dax- goengyiengz di ndeu cungj mbouj cuengqsim, dawz aen gisongi gwnz daiz daeuj suenq baez ndeu.

“7 aen daehraemxndat dwg 37×7=259(maenz), 7 gouh madfwngz dwg 23×7=161(maenz), itgungh 259+161=420(maenz).”Daxgoengyiengz doek- saet dwk naeuz:“Va, Coeng- coeng, mwngz suenq ndaej caen doiq! Vaiq gangjgangj mwngz dwg baenzlawz suenq.”

“Baihndaw miz banjdaeuz bw! Mwngz yawj, moix aen daehraemxndat 37 maenz, moix gouh madfwngz 23 maenz, yienghneix aen daehraemxndat he caeuq gouh madfwngz he gyoebsuenq couh dwg 37+23=60(maenz), 7 aen daehraemx- ndat caeuq 7 gouh madfwngz itgungh 60×7=420(maenz). Gizsaed, hix ndaej yawj guh gou aeu gij suenqfap mwngz yungh swngzfap faenboiqlwd genjvaq daeuj suenq lo. Mwngz mbouj saenq gou couh sij hawj mwngz yawj!” Coengcoeng gangj le couh youq gwnz ceij sij diuz suenqsik he: 37×7+23×7=(37+23)×7=420 (maenz)

Daxgoengyiengz ngaek gyaeuj naeuz:“O, laxlawz dwg yienghneix ha! Gou ngoenzneix youh hag rox cungj fuengfap suenqsoq he lo.” (Liuz Siu)