Moix baez yawjraen cangh- fwen youq gwnz daizheiq ciengq go seiz, gou couh hozhaenz dangqmaz, liuhsiengj ndwn youq gwnz daizheiq byaujyenj haenx dwg swhgeij.

Dang boux canghfwen couh yaek rox ciengqgo diuqfoux. Vihliux saedyienh aen siengj- muengh neix, gou camgya le singhyoz beizyinbanh. Mwh hwnj goqsinghyoz, gou daegbied nyinh- caen, ciuq lauxsae son gij fuengfap fatyaem ciengqgo. Mwh youq ndaw ranz, gou hix roengzrengz boih goswz、lienh ciengq. Gou lij camgya vujdau beizyinbanh, lienh atga, enj- hwet……, moix baez cungj baeg dwk hanh lae hanh roenx. Miz seiz siengj mbouj lienh lo, hoeng baez siengj daengz siengjmuengh swh- geij, gou youh genhciz roengzbae.

Vihliux saedyienh aen siengjmuengh neix, gou itdingh itcig roengzrengz!

(ngeih nienzgaep Sih Caijyingz)