Ndwen 8 ngoenz 16, dwg ngoenz senjgij vuenh gaiq aen veijyenzvei vunzmbanj daihbet gaiq Sanglij Cunh Dalang Cin Yungzsuij Myauzcuz Swciyen, daengx cunh 760 lai boux senjminz gaenxmaenx caeuqfaenh douzbiuq, ei fap yungh gij gienz senjgij caeuq gienz deng senjgij bonjfaenh. Ginggvaq bouxdeqsenj wngqcingz lenzcwng, senjminz laeglemx raiz biuq、yiemzrwd douzbiuq、gamduk suenq biuq daengj cwngzsi, senj aeu “bouxdanggya” ndaw sim bonjfaenh.

Mboengqneix, aen yienh neix 206 aen cunh(segih) yaek ciuq gonq laeng guh cunh(gih)veijvei senjgij vuenh gaiq, 44.26 lai fanh Myauzcuz、Yauzcuz、Dungcuz daengj senjminz gak cuz yaek douzbiuq senjok bouxdaeuz cunh(gih)veijvei gaiq moq. Ciuq cam rox, aen yienh neix bineix miz 10 fanh lai vunz okrog dajgoeng, haujlai bouxcoz okrog dajgoeng haenx dauq ranz gingsenj cunh ganbu.

(Lungz Linzci/龙林智)