Ndwen 8 ngoenz 17, Sanhgyangh Dungcuz Swciyen Veigigiz youq Dungzloz Yangh Caida Cunh aen yienh neix banh bi 2017 gihbwnj veiswngh gunghgung fugsaeh hanghmoeg caeuq ndwen senhconz hong ciem canghyw lajmbanj、heiq moq baenzranz ciengx lwg haeuj fanh ranz、gvansim vunz riuzdoengh、yawjbingh mbouj aeu cienz hozdung, ndaej daengz vunzlai dangdieg angqcoux.

Doenggvaq aen hozdung neiyungz lai loh, hingzsik lai yiengh neix, hawj gyoengq vunzlai lai sugrox caeuq caeuqfaenh gihbwnj gunghgung veiswngh fugsaeh hanghmoeg caeuq hong ciem canghyw lajmbanj, cauxlaeb Sanhgyangh cangqheiq. Hawj gihbwnj gunghgung fugsaeh vunz riuzdoengh doxbingz caeuq biengz vunz riuzdoengh yungzhab, caux ok gij heiqfaenh ndawbiengz ndei gvansim vunz riuzdoengh. Haenqrengz fatyiengz soujsaenq geiqseng, dazyinx vunzlai gij gvanhnen baenzranz ciengx lwg laeb gohyoz、 vwnzmingz、cinbu haenx, haenqrengz iuheuh sai mbwk doengzbingz、 gvansim lwgmbwk、seng ndei ciengx ndei, cauxlaeb gij vanzging ndei gvansim sengciengx、caez laeb huzndei.

(Yiz Vanjyaz/俞晚霞)