Mboengqneix, Baksaek Si Yinz- minz Fazyen youq aen ding fugsaeh dajgauq gyalai hai “conghcueng fugsaeh Vahcuengh”, conghcueng neix anbaiz boux fapguen sugrox Vahcuengh he, yungh Vahcuengh vih vunzlai daezhawj camcaz faplwd、cienjsou caizliuh daengj fugsaeh. Conghcueng Vahcuengh hai daengz seizneix, mboujdan fuengbienh vunzlai dajgauq, youh daezsang yauqlwd banh anq, ndaej daengz gyoengq vunzlai angqcoux.

Itcig daeuj, doiq gij daegdiemj Yougyangh Gih dwg vunz Bouxcuengh youq lai, Vahcuengh dwg vahdeihfueng cujyau dangdieg, Yougyangh Gih Yinzminz Fazyen cungfaen aeueiq gij gienzleih dajgauq vunzlai minzcuz vunznoix, gujli gangingj hag Vahcuengh bonjdieg, fuengbienh mwh banh anq caeuq vunzlai gangjgoj doxgyau; caemhcaiq doenggvaq hai conghcueng fugsaeh daegsaek、yungh Vahcuengh haidingz、diuzgaij、cunzdauq banh anq daengj banhfap, dawzfap hozdung engq haeujgyawj vunzlai.

(Loz Cen/罗 倩)