Miz ngoenz ndeu, hagdangz dou cujciz daj cimyawhfuengz. Gou gig gaenjcieng, aenvih gou ceiq lau daj cimyawhfuengz lo.

Gou baiz boux daihngeih. Daxheiz husw gig sug dwk dajcim, sim gou cix diuqbubbub. Gou saedcaih souh mbouj ndaej lo, couh caeuq boux doengzhag baihlaeng doxvuenh.

Lij Mingz daj sat le, gou cam de: “In lwi?” De riu dwk naeuz:“Di ndeu hix mbouj in!”

Lwnz daengz gou lo, daxheiz husw raen go gaenjcieng, couh gangjriu naeuz:“Mwngz deng duz- nyungz haeb gvaq lwi?” “Dang- yienz haeb gvaq lo.” Gou naeuz. Daxheiz husw naeuz: “Dajcim lumj duznyungz haeb in doxdoengz hane.”

Gou vid genbuh hwnj, daxheiz husw aeu ciemfaiq youq gwnz gen gou daz yw liengzsisi, sim gou diuq engq vaiq lo, gou baenq aen’gyaeuj gvaq mbiengj he bae. Gou lau gou hemq ok sing cak deuz, sawqmwh, daxheiz husw soeng fwngz de lo, gou cij rox cim daj sat lo. Mbouj in ha! Baezlaeng gou caiq hix mbouj lau dajcim lo!

(ngeih nienzgaep Cwnz Danhyangz)