Ndwen 8 ngoenz 11 hauh, Mungzsanh Yen banh aen yizsi hainduj hozdung goeng- ik bangfuz “dangjgen daiqdaeuz densi haeuj fanh ranz”, caeuq Guengjsae Cvangjden Vangjloz Gunghswh、 Cang’veiz Gizdonz fwnhgunghswh Guengjsae daengj giyez, haiguh hozdung goeng’ik bangfuz “dangjgen daiqdaeuz densi haeuj fanh ranz”, gien ok 100 aen denfunghsan daengzdieg caeuq mbaw gajleihminz dij 800 fanh maenz, yungh fuengsik nyiengh leih hawj vunzlai souhaeuj noix haenx yiengjsouh cawx gyahden miz youhvei. Ndwen 8 ngoenz 25 daengz 26, vunzlai baengh mbaw gajleihminz bangbouj ndaej yiengjsouh moix aen densigih gemj 500 maenz、binghsiengh gemj 400 maenz、gunghdiuz caeuq sijyihgih gemj 300 maenz, caemhcaiq miz leih minz cwngcwz susw densi ancang bangbouj、habyungz sam muengx boiq hawj ndwi dem.

（Gvanh Sinh/关 新 Moz Hinghvang/莫兴旺）