Ndwen 8 ngoenz 10, youq Aen Cungsim Guenjleix Bangcienz Hagseng Gyauyuzgiz Lozcwngz Mulaujcuz Swciyen, bohranz buenx hagseng bae banhleix soujsuz ciqcienz banghag saenqyungh dieghagseng. Seizneix mbawsaw dunghcih loegaeu gauhgauj laebdaeb fatcuengq, gyauyuz bumwnz aen yienh neix haenqrengz doidoengh dieghagseng ciqcienz banghag leih beksingq gunghcwngz, gibseiz vih daihhagseng ranz hojndoq banhleix cienzciq banghag, bang gyoengqde ndaej swnhleih haeuj hag.

Bineix dwg Guengjsae cienzmienh hwnjlaeb aen dijhi bangcienz hagseng cib hopbi, daengx gih gaenq laebhwnj aen dijhi bangcienz hagseng caezcienz, youq gak duenh hagsib saedyienh le “cienzbouh cwgoemq、mbouj miz luengq doxrangh”. Cib bi daeuj, Guengjsae gyoebsuenq bangcienz hagseng hojndoq 2560.78 fanh vunzbaez, bangcienz ngaenzcienz daengz 436.71 ik maenz.

(Mungz Cwnghswh/蒙增师)