Ndwen 8 ngoenz 8, Luzcai Yen Caisah Cin Gujmuz Cunh Mbanjbanjli banh ciengz doxdax gaeb bya hoh fungsou ndeu. Geij bi neix daeuj, aen mbanj neix haenqrengz diuzcingj gezgou dajndaem dajciengx, yungh 70 moux naz cienmonz dajciengx byanouq, moix moux sou ndaej byanouq daengz 1000 goenggaen, goenggaen byanouq gyaqcienz gaibued 26 maenz, moix moux sou ndaej byanouq haemq lai.

Bineix daeuj, vunzlai aen mbanj neix youh youq ndaw naz ciengx byanouq. Ciuq gujsuenq, moix moux naz ciengx byanouq, ndaej sou 300 goenggaen byanouq, haeuxnaz caeuq byanouq cungj ndaej sou, canjciz gyalai, hawj bouxguhnaz gyalai souhaeuj.

(Lai Genveih/赖建辉)