Ngoenzneix, gou daegdaengq hwnq ndaej caeux, aenvih gou siengj yawjyawj gyanghaet gwnz mbwn.

Gou baez ngiengxgyaeuj, gwnz mbwn sanq rim ndaundeiq, mbouj miz maz doxgaiq dangj, couh okyienh youq baihnaj gou. Ndaundeiq lwenqda dangqmaz, lumj baenz ndik raemx myabrongh nei. Gij ndaundeiq neix lumj yaep lwgda caeuq gou cam ndei. Caen dwg ndeigyaez! Gwnz mbwn lij miz aen ronghndwen gungj ndeu, lumj aen gyoij nei. Fanh naed ndaundeiq dak ronghndwen, ronghndwen lumj dah- sau ndeu longz geu buh yap rongh, gig cwxcaih dwk muengh coh lajmbwn.

Mbwn ciemhciemh rongh lo, gwnz mbwn sanq rim ndaundeiq haenx hainduj bienq o lo, o ndaej gig caemrwd, o ndaej sawdikdik, o ndaej caen seuqcingh, lumj gaiq rinbauj saek o deng muz ndaej gig lwenq nei. Rumz liengzsisi baenz raq baenz raq dwk ci gvaqdaeuj, menhmenh lumh gvaq faj naj gou, hawj vunz roxnyinh gawq sim sangj youh cwxcaih.

Ndaundeiq, lij yaep lwgda; rongh- ndwen, lij dwg baenzneix ronghcingx; gyanghaet gwnz mbwn, vanzlij baenzneix gyaeundei.

(seiq nienzgaep Hanz Yiyauz sij Dahdingz hoiz)