Ndaw ranz cawzfap miz boux ndeu heuh soqlw, gingciengz deng lingh sam boux soqcawz、soqdengcawz caeuq soqsieng (couh dwg soq cawz ndaej okdaeuj haenx) yiemzmbwq, naeuz de dwg “diuzrieng iq”. Cinglingz suyoz lwnh daihgya: “Sou gaej yawjsiuj soqlw bw, de ndaej bang siujbaengzyoux gaijgez haujlai nanzdaez.” De baez vad gaiqfaex cijveih de, couh okyienh diuz daez ndeu:

Ndaw gyausiz ngeih (1) ban venj miz mbangj heiqgiuz he, ciuq henj、heu、lamz、aeuj、nding haj cungj saek swnh gonqlaeng baizlied, itgungh miz 42 aen heiqgiuz, aen heiqgiuz baiz ceiq doeklaeng dwg saek gijmaz?

Sam boux vunz ndaw ranz hainduj nyaengq dwk suenqsoq, 42÷5=8 (cuj)……2(aen). Gyoengqde lij dingh mbouj ndaej aen heiqgiuz daih 42 dwg saek gijmaz. “Gizsaed yawj soqlw couh rox lo.” Cinglingz suyoz naeuz, “Heiqgiuz dwg ciuq 5 cungj saek guh cuj ndeu miz gvilwd baizlied, ginggvaq suenqsoq, dwg 8 cuj lai 2 aen, moix cuj aen daihngeih dwg saekheu, ndigah aen daih 42 couh dwg saekheu.”

Soqlw dwg 1—— saekhenj, soqlw dwg 2 —— saekheu, soqlw dwg 3—— saeklamz, soqlw dwg 4 —— saekaeuj, mbouj miz soqlw—— saeknding. Daj mwhhaenx hwnj, gyoengqde doiq soqlw lingh da yawj lo, mbouj caiq yawjsiuj soqlw lo.

(Sih Lingzlingz)