Gij nyapnyuk gou couh dwg “biz”. Aenvih daiq biz, daihgya cungj heuh gou guh “duzgvibiz”.

Miz baez ndeu, lauxsae heuh gyoengqdou buet, gou dwg boux daih- it buet, hoeng cix dwg boux ceiq doeklaeng buet sat. Vihmaz ne? Aenvih gou biz, ngamq buet ndaej buenq gien, gou couh baeg yaek dai lo. Gyoengq doengzhag ndang mbaeu lumj roegenq, bouxboux cungj mauh- gvaq gou——gou dwg boux ceiq loeklaeng. Buet sat le, lauxsae vix gou naeuz:“Boux doengzhag neix gvaq- daeuj mbat he.” Gou ganjgip buet daengz baihnaj lauxsae, lauxsae cam gou:“Mwngz vihmaz boux daih’it buet, dauqfanj ceiq doeklaeng buet sat ne?” Gou cingq yaek gejnaeuz, dinglingling roengzdangz lo. Lauxsae naeuz:“Ndei lo, gaej yungh gejnaeuz lo, baezwnq haeujsim di.” Mwhde, miz geij boux doengzhag gvaqdaeuj riu gou:“Buet ndaej gig ndei ha, ‘duzgvibiz’!” Gangj sat, gyoengqde couh riuhaha buet bae lo. Dingqnyi doengzhag riu gou, ndaw sim gou gig hojsouh ha.

Lij miz baez ndeu, gou caeuq sam boux doengzhag caez bae youzlozyenz guhcaemz. Dou daeujdaengz giz ci- doxbungq, Siujcwnz naeuz:“Raeuz song boux naengh aen ci he, yiengh- neix ndaej mbaet cienz youh guhcaemz ndaej angq.” Dou cungj doengzeiq lo. Ciepdwk, dou couh baen baenz song cuj cawx ndei biuq, moix gyaq ci naengh song boux vunz. Hoeng gou baez hwnj aen cidoxbungq bae, daengx aen diegnaengh cungj deng gou ciemq liux lo, caiq hix mbouj miz giz dieg hoengq hawj lingh boux naengh lo. Gou mbouj ndei eiqseiq doiq Siujcwnz caeuq gou naengh haenx naeuz: “Caen doiq mbouj hwnj, mbouj miz dieg naengh lo, mwngz caiq bae cawx mbaw biuq he ba?” Siujcwnz yungh lwgda riu gou haenx yawj gou naeuz: “Ndei ba, ‘duzgvibiz’!” Gangj le couh riuhaha bae cawx biuq lo.

Aenvih gou biz, mwh caeuq daihgya youq doxcaez, cungj mienx mbouj ndaej deng gyoengqde riu. Ndigah, gou roengz gietsim, itdingh gemjbiz! Gou yaek guh daengz lai yindung, noix gwn noh, lai gwn byaekheu, daj bouxbiz bienq baenz bouxbyom, vutvak gij nyapnyuk “duzgvibiz” daiq hawj gou haenx bae!

(haj nienzgaep Couh Yigunh)