Daegnuengx ngamq hag geq soq, moix baez geq daengz 19、29 couh mbouj rox geq lo. Daeggo raen le, gietdingh bang daegnuengx.

Daeggo siengj ok aen banfap he:“Raeuz daeuj guhcaemz naedfaex ba!” Daegnuengx raen daeggo baenzneix gangj le angq raixcaix. Daeggo heuh daegnuengx moix baez dawz ok 10 naed naedfaex, dawz ok song baez le, daeggo cam:“Seizneix dawz ok naedfaex dwg geijlai naed?” Daegnuengx siengjsiengj le, naeuz:“Seizneix dwg 2 aen cib lo, dwg 20 naed naedfaex!” Baezneix, daeggo heuh daegnuengx dawz ok 9 naed, daeggo aeu 9 naed neix caeuq 20 naed haxbaenh haenx cuengq youq doxcaez, cam:“Mwngz yawj, seizneix couhdwg 29 naed lo. Danghnaeuz caiq gya 1 naed, dwg geijlai?” Daegnuengx dap:“3 aen cib dwg 30. O, gou rox lo, baihlaeng 29 dwg 30!” “Deng! Daegnuengx caen coengmingz! Neix dwg soqgovei rim cib, soqcibvih couh haeuj it!” Ciepdwk, daeggo moix baez bungz- daengz geijcibgouj seiz, cungj cam daeg- nuengx aensoq baih- laeng dwg geijlai, daegnuengx geiq ndaej “rim cib haeuj it” aen gveihcwz neix, couh cungj gangj ndaej deng lo.

(Cwnz Yauj)