Miz ngoenz he cuengqhag le, gou caengz guh sat cozyez couh buet okbae guhcaemz lo.

Gwn haeuxcaeuz le, daxboh genjcaz cozyez gou, cam:“Song yieb daezbaksuenq ngoenzneix guh caengz?” Gou haengjdingh dwk naeuz:“Guh lo.” Daxboh youh cam: “Mwngz caen guh la?” Gou naeuz: “Guh lo.”

Daxboh biengj bonj daez- baksuenq, vix aen’gvaengz seiq- fueng baihlaj cam:“Doiqhauh ndaw gvaengz seiqfueng buet bae gizlawz loha?” Baezgonq guh sat daezbaksuenq le, daxboh youq ndaw gvaengz seiqfueng sij hwnj doiqhauh. Gou cijndei nyinhloek: “Daezbaksuenq ngoenzneix gou caengz guh.”

Daxboh gig haenq baebingz gou, gou gvaigvai bae guh cozyez lo. Gou guh sat le, daxboh naeuz: “Mbouj guh cozyez lij yaeuh vunz dwg loek youh gya loek, mwngz neix dwg yaeuh vunz yaeuh bonjfaenh.” Gou naeuz: “Gou loek lo, baezlaeng itdingh mbouj yienghneix lo.” Daxboh naeuz: “Rox loek naengz gaij couhdwg lwgnyez ndei.”

(Ngeih nienzgaep Lij Yiyangz)