Seizhah gaenq daeuj- daengz lo, gyoengq doengzhag siengj mbouj siengj gvaq seiqgeiq cungj raeujnit dox- lwnz, lwnz hop dauq heij neix dwg baenzlawz cauxbaenz ne?

Raeuz cungj byoqfeiz gvaq. Dang raeuz cingq doiq aen lozfeiz byoqfeiz seiz, roxnyinh daegbied ndat; caix doiq aen lozfeiz seiz, couh mbouj ndat geijlai lo.

Gizsaed digiuz mwh heux aen daengngoenz goengcienq, diuz sugdeih itcig caeuq naj gveijdau ngeng baenz aengok 66 doh 33 faen. Aenvih diuz sugdeih ngeng, dang digiuz youq gwnz gveijdau dieg mbouj doengz, daengngoenz dohsang dwg mbouj doengz. Mwh daengngoenz dohsang hung, daengngoenz cigciuq, gij ndat de couh gyoebcomz, couh lumj cingq doiq aen lozfeiz ityiengh; vanzlij daengngoenz youq byonghmbwn ginggvaq gij loh haemq raez, daengngoenz ciuq seizgan nanz, ngoenz raez hwnz dinj, mbwn couh bietdingh haemq ndat. Fanj gvaqdaeuj, mwh daengngoenz dohsang iq seiz, daengngoenz caix ciuq najdeih, gij ndat faensanq, lumj caix doiq aen lozfeiz ityiengh; vanzlij daengngoenz youq byonghmbwn ginggvaq gij loh haemq dinj, daengngoenz ciuq seizgan dinj, couh ngoenz dinj hwnz raez, heiqvaen couh daemq, neix couh dwg seiz- doeng. Doengzyiengh dauhleix, daengngoenz dohsang bienq- vaq yingjyangj gyangngoenz doengxhaemh dinjraez caeuq vwnhdu sangdaemq, faenbied cauxbaenz seizcin caeuq seiz- cou.

Aenvih digiuz mbouj dingz mbouj duenh ngeng aenndang heux daengngoenz baenqcienz, cungj raeujnit neix couh mbouj dingz doxvuenh dwk, yienghneix couh baenz seiqgeiq nit bae ndat dauq lo.