●6 nyied 20 hauh, Denz- dungh Yen Yinzsegiz lienzhab Sinhcin Vozdwzmaj Denciz Youj- han Gunghswh youq yen veicanj cungsim banh aen hoih cienmonz ciu nungzminzgungh. Baez hoih ciuvunz neix daezhawj 480 aen guhhong gangjvei hawj boux- rahong, yinx ndaej le 209 boux nungzminzgungh daj 10 aen yanghcin daeuj ra hong, dang- ciengz miz 35 boux nungz- minzgungh ra ndaej hong.

(Maj Yengvangh)

●6 nyied 23 hauh, Fuzdangz Lwgnyez Yihyoz Hwngfat Yenzgiu Cungsim cinjcing cangqheiq bangfuz hanghmoeg youq Loz- cwngz cingqsik hainduj, geizgan lauxhangz doenggvaq camcaz yawj bingh mbouj aeu cienz、 comz hwnjdangz caeuq “saefouh daiq lwgsae” daengj lai cungj hingzsik bangfuz dangdieg gungganq wzgoh vunzcaiz, daezsang Lozcwngz Fuyou Baujgenyen yawj bingh yw bingh suijbingz, engq ndei fugsaeh gyoengq vunzlai mbanjbya Mulauj.

(Mungz Cwnghswh)

●6 nyied 24 hauh ban- haemh, Yungzsuij Myauzcuz Swciyen banh “angqyangz mbin- nyeg·siengjmuengh hwnj din” cawjdaez vanjvei, ca mbouj lai bak boux lwgnyez youwzyenz、 cungh siuj hagseng ndaej daengz lauxsae sonyinx haenx gag bien gag yienj cozswvuj、 bahleizvuj、lahdinghvuj daengj 20 lai aen cezmuz camgya vanjvei, yungh neix fungfouq saedceij rogdangz, saedyienh aen siengjmuengh canghdiuqfoux iq, yinx ndaej haujlai siminz daeuj yawjngonz.

(Lungz Linzci)

●Gaenh geij bi neix daeuj, Hozciz Si gaenjndaet hopheux reh ndei gihdi hwnjguh daengj gungh- cwngz, haenqrengz hwngfat ndaem gonengznuengx ciengx nonsei canjnieb, roengzrengz saedyienh ciengx nonsei demgya yauqik、 boux ciengx nonsei laisou. Daengz bineix 5 nyied daej, daengx si ndaem gonengznuengx daengz 85.1 fanh moux, gyoebsuenq fat nonsei 155 fanh mbaw, ndaej reh 4.3 fanh dun. Seizneix, ndaem gonengznuengx ciengx nonsei nangqdaengz daengx si 11 aen yienh(si、gih) 133 aen yanghcin 1045 aen mbanj 24 fanh lai ranz bouxguhnaz.

(Ciengj Gvanh)