Bineix doxdaeuj, Lozcwngz Mulaujcuz Swciyen gaenjndaet hop- heux gij vut gungz biucinj ranz- gungzhoj “bet miz it mauh” caeuq mbanj gungzhoj “cib’it miz it daemq”, lai fuengmienh cingjhab ngaenzcienz, haenqrengz doicaenh roen、 raemx、 gunghgung fuzvu sezsih daengj baenzdauq giekdaej sezsih hwnjguh, baujmaenh bineix guhsat gij soq dajveh yinvu si gaep roengz hawj Lozcwngz 8 aen mbanj gungzhoj duet mauh、 8236 boux vut gungz haenx, gyahwnj aen yienh neix gag gya 2 aen mbanj gungzhoj duet mauh, ceng’aeu saedyienh 10 aen mbanj gungzhoj vut gungz duet mauh, 1.23 fanh vunz gungzhoj vut gungz moegbiu.

Ca ndei roenloh mbanj daezsang gaijcauh hwnjguh gunghcwngz. Cingj- hab gij ngaenzcienz hwngfat siujsoq minzcuz caeuq gij ngaenzcienz cien- hangh bangfuz 2821.4 fanh maenz. Ndaw bi saedyienh dajndongj roenloh mbanj miz 20 ranz doxhwnj 48 diuz daih’iek 69.92 goengleix. Ca ndei lajmbanj ranzvaih gaijcauh gungh- cwngz. Dajveh saedhengz ranzvaih ranzgaeuq gaijcauh 3378 ranz, ndawde laeb dangjan laeb mbawgaj ranz- gungzhoj ranzvaih gaijcauh 2000 ranz, itbuen ranzgungzhoj ranzvaih gaijcauh 1378 ranz, dajveh bued cienz 7573.7 fanh maenz. Ca ndei lajmbanj gwn raemx ancienz gunghcwngz. Vih gaijgez vunzlai gwn raemx hoj vwndiz, dajveh gungh bued cienz 3024.12 fanh maenz, hwnjguh lajmbanj gwn raemx ancienz gyamaenh daezswng gunghcwngz 86 dieg, vunz ndaej ik 1.9017 fanh boux, ndawde vunz gungzhoj 4779 boux. Ca ndei lajmbanj gunghgung fuzvu sezsih hwnjguh. Bi 2017 dajsuenq hwnjguh cunh gaep gunghgung fuzvu cungsim hanghmoeg 20 aen, boiqdauq lanzgiuzcangz、 daizheiq、 senhconzlanz gunghcwngz, coih Vangzginh Cin Youjdung Cunh veiswnghsiz、Baujdanz Yangh Cangh- dung Cunh veiswnghsiz daengj 2 aen cunh veiswnghsiz deng raemxrongz dwk vaih haenx, boiqbwh daengx yienh canghyw lajmbanj 100 aen bingzbanj dennauj caeuq 87 aen gengangh yizdijgih, dajveh bued cienz 379.35 fanh maenz. Ca ndei hingz- cwngcunh doeng gvanhdai vangjloz. Dajveh guhsat 20 aen hingzcwngcunh mizsienq vangjloz gvanghsenh dap cang gunghcwngz, dap cang gvanghfuz 157.5 goengleix, dajveh bued cienz 500.15 fanh maenz, mizyauq bauj- maenh bineix vut gungz moegbiu swnhleih saedyienh.

(Se Sunhwngz)