6 nyied 16 hauh, 2017 Baekging Gozci Bozlanjvei youq Aen Cungsim Haihoih Gozci Baekging haimuq, gyonglaz gimzyienz biujyienj、 langhbaij ndangdaenj minzcuz caeuq doxgaiq senhconz daengj Liujcouh Si Yungzsuij Myauzcuz Swciyen dawz daeuj haenx baenz diemjrongh canjvei he, yinx ndaej haujlai hekyouz ndaw guek rog guek daengx din yawjngonz. Ciuq cam rox, gaiq bozlanjvei neix guh sam ngoenz, yinx ndaej 80 lai aen guekgya caeuq gizdieg、 28 aen sengj(si、swcigih) ndaw guek ca mbouj lai cien aen lijyouz gihgou、 lijyouz giyez caeuqfaenh langhbaij. Ndaw doz dwg dahsau Yungzsuij yiengq hekyouz guekrog gaisau fungcingz Mbanjmyauz.(Lungz Dauh/龙 涛)