●Gaenh bi neix daeuj, Gunghcwngz baengh gijndei swhyenz, haenqrengz hwngfat daegsaek nungzyez mbouj miz goenghaih, cugyamq guhbaenz “it mbanj it yiengh” hwngfat gwzgiz. Gunghcwngz gaenq baenz dieggunghawj mak caeuq byaek Guengjdoeng、 Namz- ningz. Ciuq cam rox, bineix gai gak loh mak caeuq byaek ok diegrog ca mbouj lai 10 fanh dun.

(Couh Binjciuh Lij Mouyangh)

●6 nyied 16 hauh, Lozcwngz Mulaujcuz Swciyen youq minzcuz vwnzva gvangj- cangz haiguh aen daih cibroek daengx guek ndwen ancienz swnghcanj “ngoenz camcaz ancienz swnghcanj” hozdung, doenggvaq baij ancienz senh- conz canjbanj、 fat gak cungj ancienz senhconz swhliu、 daix vunzlai camcaz daengj hingz- sik cienzdoh ancienz cihsiz, haenqrengz daezswng gij ancienz yisiz gyoengq vunzlai caeuq giyez yenzgungh.

(Mungz Cwnghswh Liu Sez)

●Bineix daeuj, Denzlinz Yen gyagiengz hong guh yienhsingz loegvaq、 dem- rongh、 canglengj, gaenq bued roengz ngaenzcienz 707.56 fanh maenz youq yienhsingz guh dajndongj roenloh 8686 bingzfuengmij, cang guenj baiz raemxuq raemxfwn 195 mij、 guenjbaizraemx 2052 mij, cang lohdaeng 270 aen; ndaem faexsang 91 go、 faexcaz 157 go, ndaem nywj 3520 bingz- fuengmij. Saedhengz doenghgij hanghmoeg neix, hawj yienh- singz bienq gyaeu, vih dajcauh vanzging habyouq, cauhfuk siminz okrengz.

(Fungz Cunhyinz Luz Anhbingz)

●Bineix daeuj, Denz- yangz Yen Hungzsizswvei gaenxmaenx anbaiz, lai baez cujciz haiguh “ancienz haeuj hagdangz、byaij segih、 haeuj lajmbanj” daengj cawjdaez hozdung, doenggvaq banh cihsiz gyangjco、 haiguh yienhciengz yienjlienh daengj hingzsik, doigvangq cienzdoh gij dinfwngz gag gouq ndoj nanh saehhux, caenh’itbouh cienz gij cingsaenz yinzdau cujyi hungzsizsw.

(Maj Nizya)