Cungh Siujgangh lauxsae dwg dijyuz lauxsae moq ban dou, hoeng gou di ndeu cungj mbouj gyaez de.

“Dinglingling……”singlingz hwnjdangz yiengj lo.

“Ya, youh dwg goqdijyuz! Youh yaek yawjraen boux Cungh lauxsae haenx lo!”

“Lixcwngx, cauhciz! Lixcwngx, cauhciz!” Youh deng Cungh lauxsae lienh dou lo. Gou ceiq lau ndwncingq lo, ndwn nanz lai gou couh yaek ngunhlaemx ha.

It faen cung, song faen cung, sam faen cung……

Gou mbouj rox ndwn le geijlai nanz, gou roxnyinh gyaeuj baez ngunh, baihnaj laeplat, laemx roengz lo.

Mwh moengjmoengj doengjdoengj, gou roxnyinh miz vunz umj dawz gou buet dwk. “Yi, neix dwg gizlawz?” Mwh gou singj gvaqdaeuj, cij fatyienh swhgeij youq ndaw yihyen, boux souj youq henz gou haenx gingqyienz dwg Cungh lauxsae.

Yawjyawj Cungh lauxsae, gou daejnga’nga lo.

“Ho, mwngz dauqdaej singj gvaqdaeuj lo, lwg huk neix, yawj mwngz yienghneix, lij gvaiq gou ha?”

“Mbouj dwg ne, gou dwg gamjdoengh ndaej daej lo!”

“Gou hix naengz gamjdoengh vunz?” Cungh lauxsae gangj le, riuhaha lo.

Gou neix cij rox, henz ndang moix boux vunz, cungj miz haujlai “yienghgyaj”. Lumj gij gyaez dijbauj, de ciengzciengz deng bau youq ndaw giz ceiq laeg, mbouj hawj mwngz yawjraen.

(sam nienzgaep Lij Yinzfungh)