6 nyied 8 hauh, bakdou Ouh- dung Yangh Cwngfuj Yinhcwngz Yen nauhyied dangqmaz, nyuenz dwg aen yangh neix fat din makbakhom caeuq ganj dap gyaq、 sienq dap gyaq hawj bouxguhnaz mbouj aeu cienz.

Daj bineix 2 nyied daengz neix, aen yangh neix gonqlaeng fat din makbakhom 26 fanh go, ganj dap gyaq 21395 diuz, sienq dap gyaq 36850 goenggaen hawj bouxguhnaz mbouj aeu cienz, haiguh son’gyauq dinfwngz dajndaem makbakhom mbouj noix gvaq 4 baez. Doenggvaq baenzdauq banhfap, gemjnoix gij ngaenzgoek bouxguhnaz dajndaem makbakhom, mizyauq daezsang gij suijbingz dinfwngz dajndaem boux- guhnaz, gyalai gij yiedcingz caeuq saenqsim vunzlai dajndaem makbak- hom, ndaej daengz gyoengq vunzlai haenh.

Bineix daeuj, aen yienh neix laebdaeb gyalai bangfuz makbakhom canjnieb, dawz makbakhom canjnieb dangguh gij canjnieb bangfuz cung- denj daengx yienh dwk hingz “cibsam haj” vut gungz gunggeng, laeb- daeb doigvangq dajndaem makbak- hom. Youq yanghcin cungdenj daj- ndaem makbakhom caeuq gveihmoz dajndaem gihdi haenx, yungh “nungzhoh+hozcozse+dieg guh- yiengh” lai cungj fuengsik dox giethab dajndaem makbakhom, yungh ranz hung daiq ranz iq, yungh miz gonq daiq miz laeng, yungh canjnieb daiq vut gungz, gaenxmaenx sonyinx ranzgungzhoj byaij hwnj diuz roen baenzmiz. Doenggvaq fat dinmak、 doxgaiq, son’gyauq dinfwngz guenj- leix dajndaem, gya’gvangq roen gai, gaijgez gij vwndiz bouxguhnaz daj- ndaem、 guenjleix、 siugai daengj, mboujduenh gyalai gij mienhcik dajndaem makbakhom, caenh’itbouh coicaenh hwngfat makbakhom canj- nieb daengx yienh, bang rengz engqlai ranzgungzhoj vut gungz baenzmiz.

(Lanz Cunghcwngz/蓝忠成)