●6 nyied 9 hauh, Lungz- swng Gak Cuz Swciyen banh ciet vwnzva nazmbaeklae Lungzciz gaiq daihroek, dangdieg beix- nuengx siujsoq minzcuz Myauz、 Yauz、 Dung、 Cuengh daengj ndang daenj buhvaq moqsag doxcomz youq giz ndeu, langhbaij dinfwngz guh feihyiz Guengj- sae、 fouxbyoemraez、ndangdaenj minzcuz cunzyouz daengj minz- suz hozdung lai cungj lai yiengh hawj bouxhek ndaw guek rog guek yawj.

(Vuz Swnghbinh Vangz Yungjdanh)

●6 nyied 10 hauh cingq dwg daengx guek aen daih’it “ngoenz swyenz yizcanj caeuq vwnzva”, Lozcwngz Mulaujcuz Swciyen youq minzcuz vwnzva gvangjcangz banh aen hozdung langhbaij dinfwngz conzdungj Mulaujcuz, canghheiq ndaw- biengz yienhciengz langhbaij dajsiuq Mulaujcuz、 nyumx baengzdoj、 guh cugnyumx、 raed ceij、 dinfwngz san nywj daengj hawj gyoengq vunzlai yawj, coicaenh gij yisiz swnjcienz caeuq roxyiuj gyoengqvunz doiq feihvuzciz vwnzva yizcanj haenx.

(Mungz Cwnghswh)

●Bi 2017， Denzlinz Yen Nazbij Yangh Dangjveij、 Cwng- fuj doeksaed cinjcing bangfuz, cujciz ranzgungzhoj、 vunzmbanj dajndaem ien, demlai souhaeuj. Ciuq cam rox, Nazbij Yangh dajndaem ien daih’iek 600 lai moux, suenq moux sou ndaej 260 gaen, souhaeuj moux 3000 maenz, aen yangh neix bineix dajndaem ien souhaeuj 180 fanh maenz.

(Luz Genyungj)

●Gaenh bi neix daeuj, Sanhgyangh Dungcuz Swciyen yungh gijndei gizdieg swnghdai, doenggvaq cingjhab swhyenz yungh daengx yangh doicaenh fuengsik haenqrengz hengzguh ndaem haeuxnaz ciengx bya gunghcwngz, boujdiep doxgaiq caeuq soengq lwgbya hawj hanghmoeg nungzhoh, seizneix daengx yienh biucinjvaq ndaem haeuxnaz ciengx bya mienhcik daengz 7 fanh lai moux, hanghmoeg nungzhoh bi boux- vunz bingzyaenz laisou daengz 1000 maenz doxhwnj, rengzrwd coicaenh vunzlai dangdieg laisou vut gungz.

(Vuz Lenyinh)