6 nyied 10 hauh cingq dwg daengx guek aen daih’it “ngoenz swyenz yizcanj caeuq vwnzva”, Guengjsae Ginzcung Yisuzgvanj、 Liujcwngz Yen Yinzminz Cwngfuj daengj bumwnz lienzhab youq Liujcwngz Yen banh hoih fwen cinjcing bangfuz. Ngoenzhaenx, 30 lai boux fwenvuengz liggaiq daj Laizbinh、Siengcouh、 Hozciz daengj dieg daeuj haenx doxcomz Liujcwngz, yungh gij hingzsik fwen gyoengq vunzlai haengj dingq gyaez yawj haenx, senhconz cinjcing bangfuz cwngcwz, danqhaenh Liujcwngz Yen hong cinjcing bangfuz miz cingzcik, yinx ndaej haujlai vunz daeuj yawj. Ndaw doz dwg canghfwen youq gwnz daiz eu fwen.

(Dwng Gwzyi/邓克轶)