6 nyied 6 hauh banhaet, aen ban son’gyauq fanhoiz vahsaw siujsoq minzcuz caeuq hong guh cezmuz gvangjbo densi daengx gih bi 2017 youz Swcigih Minzyijveij caeuq Swcigih Sinhvwnz Cuzbanj Gvangj- dengiz lienzhab banh haenx youq Namzningz haiban. Swcigih Sinhvwnz Cuzbanj Gvangjdengiz fugizcangj Lij Gez、Swcigih Minzyijveij fusinzsiyenz Yiz Feih camgya haiban yizsi caemhcaiq faenbied gangjvah. Daengx gih gak si、 yienh(si、gih) bumwnz guhhong vahsaw minzcuz fanhoiz guzgan caeuq sinhvwnz cuzbanj gvangjden bumwnz bouxboqyaem bouxcujciz vah minzcuz daengj gungh 80 lai boux camgya baez son’gyauq neix.

Baez son’gyauq neix muzdiz dwg doeksaed gij cingsaenz Guekgya Minzveij daengj roek buveijgiz 《Gij Yigen Gvendaengz Doicaenh Hong Hagsib Song Vah Saw Ganbu Dieg Minzcuz》, caenh’itbouh gyaak hwnj- guh doih vunzcaiz fanhoiz caeuq guh cezmuz vah siujsoq minzcuz Guengj- sae, vih hong gvangjbo densi vah minzcuz caeuq hong fanhoiz vahsaw minzcuz gih raeuz daezhawj vunzcaiz cengjdingj caeuq caizganq baujcang. Baez ban son’gyauq neix guh 4 ngoenz, cingj Guekgya Minzcuz Yij- vwnz Fanhyizgiz Aensiz Vahcuengh Sawcuengh hoizsaemj Gvanh Swgingh、 Guengjsae Yinzminz Gvangjbo Dendaiz it gaep boux- boqyaem Vangz Haijveih、 Guengjsae Densidaiz bouxcujciz sinhvwnz Vah- cuengh Vangz Lili daengj vih yozyenz son’gyauq 《Gejdoeg 〈Fueng’anq Sawcuengh〉》《Gij Giekdaej Cihsiz Boqyaem Gvangjbo Cezmuz Vah- cuengh》《Gij Gag Daezswng Boux- cujciz Cezmuz Vah Minzcuz》《Fapgiuj Fanhoiz Gauj Cezmuz Vah Minzcuz》 daengj gocwngz. Linghvaih, baez son’gyauq neix lij anbaiz yozyenz bae yawjngonz Guengjsae Yinzminz Gvangjbo Denzdaiz、 Guengjsae Den- sidaiz, caemhcaiq guh yienhciengz sonhag、 doxdoengh doxgyau daengj.

(Cinz Yen Ouh Caijfangh)