Ranz gou ciengx miz duz meuz he. Gou moix ngoenz cuengqhag ma ranz, duzmeuz cungj gyaez benz hwnj ndang gou caeuq gou guhcaemz. Duzmeuz yied daeuj yied naek lo, gou siengj bang de caenghcaengh miz geijlai gaen.

Gou cuengq duzmeuz hwnj gwnz aencaengh caengh ndang- naek bae, hoeng duzmeuz fwt couh buetdeuz lo. Sawq le geij baez, cungj mbouj caengh ndaej duz- meuz miz geijlai gaen. Daxmeh itcig youq henz yawj gou caeuq duzmeuz, daxmeh daezsingj gou: “Siengjsiengj gij banhfap wnq ba!” Gou umj duzmeuz youq ndaw rungj siengj bae siengj dauq, itmienh lumh duzmeuz itmienh byaij hwnj gwnz caengh bae. Seizde, aencaengh yienh’ok 26 ciengwz, yi, ngoenzlwenz gou ngamq caengh gvaq, dwg 24 ciengwz. “Daxmeh, gou miz banh- fap lo!” Gou singhung hemq hwnjdaeuj, “gou caeuq duzmeuz itgungh naek 26 ciengwz, gou swhgeij naek 24 ciengwz, yiengh- neix duzmeuz couh dwg naek 2 ciengwz lo!”

Daxmeh yaengx mehfwngz hwnj doiq gou naeuz:“Feihfeih gag siengj ok banfap daeuj, caen coengmingz.”

(ngeih nienzgaep Vangz Yujfeih)