Daxmeh caeux couh dapwngq gou, ngoenz cietlwgnyez yaek daiq gou caeuq daegnuengx bae henz haij youz.

Daengz ngoenz cietlwgnyez lo, hoeng daxmeh cix lwnh gou, bae mbouj ndaej henz haij lo, aenvih daegnuengx baenzbingh lo. “Daeg- nuengx caen dwgcaengz, haet mbouj baenz, haemh mbouj baenz, bienbien seizneix baenzbingh.” Gou gig saet- muengh, caen siengj ndaq daegnuengx can he. “Daegnuengx hix mbouj nyienh baenzbingh ha, ngoenzneix dwg cietlwgnyez, de hix siengj angq- angq yangzyangz bae guhcaemz ha. Mwngz dwg dahcej, baenzlawz cij dan siengj daengz swhgeij bae youz ne?” Daxmeh doiq gou naeuz.

Yawj daegnuengx aenvih fatndat mbouj miz saek di rengz haenx, gou sawqmwh sim’in de lo. Gou doiq daegnuengx naeuz:“Dahcej buenx mwngz guhcaemz ba.” Daegnuengx angq dwk riu lo.

Aen cietlwgnyez neix, yienznaeuz gou mbouj ndaej bae henz haij youz, hoeng gou gamjsouh daengz le gij caencingz dijbauj caeuq gij cwzyin guh dahcej haenx.

(ngeih nienzgaep Gyauz Vujyih)