Baengzyoux gou heuh Siujlinz. De mbouj sang hix mbouj daemq, byoem raezrangh, lwgda de yienznaeuz iq cix gig rongh, aenndaeng caeuq aenbak hix dwg iqetet.

Siujlinz dwg boux hagseng gaenx ndeu. Ngamq hainduj, laux- sae heuh de bae baet gyausiz, de gig angq bae baet lo. Doeklaeng, Siujlinz couh sibgvenq ngoenz- ngoenz gag bae baet gyausiz, mbouj yungh lauxsae daeuj daezsingj. Siujlinz mboujdan gig gaenxguh, de lij ciuqseiz guh ndei gij saeh lauxsae anbaiz haenx.

Baengzyoux gou Siujlinz, ngoenzngoenz cungj caeuxcaeux daeujdaengz hagdangz. Mwh hwnj- dangz, Siujlinz nyinhcaen dingq lauxsae gangj goq. Roengzdangz le, Siujlinz swhgeij naengh youq ndaw gyausiz yawj saw hagsib.

Baengzyoux gou Siujlinz dwg boux vunz simndei gaenxguh he, dou cungj gyaez caeuq de guh baengzyoux.

（指导老师：韦 慧）