4 nyied 24 hauh (liggaeuq ndwensam ngeih- bet) Denzdungh Yen Yihih Cin gawjbanh ciet caijdiu, vunzmbanj seiqhenz caeuq caencik baengzyoux cungj doxcaeh humx daeuj yawj heiq, ciengzmienh hoenghhwd.

Gaiq ciet caijdiu neix neiyungz miz lai cungj lai yiengh, cawz yienj heiq caijdiu le, lij miz dwkgyangq doxdax、bengcag doxdax、dieb maxfaex byaij、mousei doxdax buet、gyongx bithom hozdung、baijgai gijgwn daengj. Yihih Cin heiq caijdiu gaenq miz gyawj bak bi lizsij, citheiq miz 《Boigoujlienz》、《Dwkcax Gouq Meh》、《Doz Suenggviq》、《Giuz Raemxgim》daengj 30 lai cungj. Ciet caijdiu dwg youq moix bi ndwensam ngoenzhaw satbyai hoengh banh, baenz le aen bingzdaiz swnjcienz hoengz- yiengz minzcuz conzdungj vwnzva, coicaenh ginghci dangdieg hwngfat ndeu.

（Moz Haijyen/莫海燕 Nungz Gisinh/农钜森)