4 nyied 20 hauh, Denhdwngj Yen youq yienhsingz banh gaiq daihngeih “cien vunz fouxdwklangh” doxdax. 17 aen doihdoxdax gungh 1000 lai vunz daj ndaw yienh gak yanghcin、hagdangz、gihgvanh danhvei daeuj haenx haenqhwd doxdax, baijyienj le fouxdwklangh ciuhnduj、lwgnyez fouxdwk- langh、cien vunz doengzcaez diuq foux- dwklangh daengj, ciengzmienh hoenghhwd. Doeklaeng, gij doihdaiqbiuj Denhdwngj Yen Minzcuz Gauhcungh、Denhdwngj Yen Caizsui Hidungj dued ndaej it daengj ciengj.

Fouxdwklangh youq Denhdwngj gaenq miz baenz cien bi lizsij, dwg gyoengq cojcoeng Bouxcuengh ndaw gyaiq Denh- dwngj cauh diuq, dwg cungj foux ndawbiengz yungh guh mbaenj fuk、boiznyienh、cuengqcaeq、guh’angq ndeu, dwg feihyiz mingzloeg Guengjsae. Bi 2014 Denhdwngj ndaej Cungguek Vwnzyi’gyah Hezvei dingh guh “Mbanjranz Fouxdwk- langh Cungguek”, bi 2016 “fouxdwklangh Bouxcuengh” ndaej swcigih vwnzva cingh- binj hanghmoeg laebhangh.

(Hoz Gaijcenz/何凯旋 Cinz Liujsenh/覃柳鲜)