4 nyied 25 hauh, youq diemjsenjyouq Nazlai Cunh Cwngzsiengh Cin Nazboh Yen, geij cien boux vunzyawj humx youq aen ciengz doenghduz doxdaemj ngamq guhbaenz haenx, haeujyinx haeujmeih dwk yawj song duz cwz youq ndaw ciengz doxdaemj haenqhwd. Ngoenz haenx, 26 duz cwzdaeg daj Yinznanz、Guengjsae daeuj camgya doxdax haenx ginggvaq ciengz dem ciengz doxdaemj haenqhwd, gij duzcwz Yinznanz Fuzningz Yen Loz Ginhfuz、Bwzswngj Yangh Nazboh Yen gih raeuz Vangz Yungj、Yinznanz Funingz Yen Vangz Hinghmingz ciengx haenx faenbied dued ndaej A、B、C sam aen cujbied daeuzmingz. Ciengz vaiz doxdaemj neix hawj bouxyawj roxnyinh mizyinx raixcaix, caemh fungfouq le gij hozdung lizyouz vwnzva fungsug dieg henzguek, coicaenh hongsaeh lijyouz hwngfat. (Linz Yungzsenh/林荣先)