4 nyied 19 hauh, hoihfwen fwen yienghnduj minzcuz Denzlinz youq aen yienh neix vwnzva gvangjcangz ciengqyiengj, 100 lai boux canghfwen ndawbiengz aen yienh neix hwnj daiz eu fwen, baij funghcaij. Doengzseiz lij iucingj le canghfwen ndawbiengz Gveicouh Swngj Cwzhwngh Yen、 Yinznanz Swngj Funingz Yen caeuq Yougyangh、 Lungzlinz、 Sihlinz、 Lingzyinz daengj yen(gih) aen si neix caemh daiz doxdax, caez ciengq hot fwen minzcuz doxgiet、 huzndei, yaem’wenq goksadsad, hawj yienhciengz bouxyawj ndaej daejniemh gij fungsug fungcingz caeuq vwnzva neihanz mbouj doengz dieg. Ndaw doz dwg canghfwen youq gwnz daiz doiq fwen.

(Fungz Cunhyinz/冯春云 Luz Anhbingz/卢安平)