Bi 2016 doxdaeuj, Duh’anh Yauzcuz Swciyen baengh gijndei swhyenz, gyalai douzhaeuj doicaenh lajmbanj swnghdai lijyouz giekdaej sezsih hwnjguh, aeu haenqrengz hwngfat swnghdai lijyouz canjnieb guh fwngzgaem, bangrengz vut gungz baenz fouq.

Bi 2016, aen yienh neix gungh cingjhab bumwnz ngaenzcienz bued roengz 1.1 ik maenz ngaenz laebdaeb doicaenh dieg lijyouz swnghdai laj- mbanj Mbanjyinzhoz Bwzvang Cin、mbanjguhyiengh fuzbinz lijyouz Mbanjhinghli Disuh Cin daengj 23 aen cungdenj hanghmoeg hwnjguh. Cujyau gyagiengz hwnjguh laebndei raemx dienh loh dieggingj、 hawj dieggingj bienq gyaeu、 mbanj yisuz Bunujyauz、 conzdungj ranz gaeuq、 aen cungsim baij gai doxgaiq reihnaz daengj giekdaej sezsih hwnjguh. Hawj dieg lijyouz baenz dieg comz yawjngonz、 youqndwi、 dozyouq、 gwnngaiz、 cawx doxgaiq youq itheij gyonjgyoeb daegsaek lijyouz canjnieb, gaenx- maenx gujli lajmbanj lijyouz cauhnieb couhnieb.

Doengzseiz, aen yienh neix aeu laebndei giekdaej sezsih mbanj- gungzhoj caeuq gungganq gij canjnieb bangfuz fouq beksingq dangguh gij neiyungz youqgaenj lijyouz bangfuz, doenggvaq “bouxak baenz fouq+ranzgungzhoj+lijyouz” “hozcozse+ranzgungzhoj+lijyouz” “gunghswh+ranzgungzhoj+lijyouz” daengj haeujguj、 doxgap vunqsik, dajcauh lijyouz nungzgyahloz, hawj ranzgungz- hoj gaenxmaenx camgya, caezyiengj hwngfat hoengzleih, caemhcaiq gaenx- maenx sonyinx vunzlai henzgyawj dieggingj hwngfat daegsaek gijgwn、 gunghyibinj fwngzguh minzcuz、gai doxgaiq reihnaz Mbanjyauz, gaijgez gij vwndiz gyaeujvunz gungzhoj couhnieb cauhnieb.

(Lanz Fuzgvanh/蓝福宽)