●4 nyied 20 daengz 24 hauh, Dwzbauj Yen youq dij- yuzgvanj banh bi 2017 Heiq- cuengh buenxciengq yisuz beizyinbanh. 70 lai boux boux- yienj daj daengx yienh gak Heiqcuenghduenz yezyiz daeuj haenx camgya le hagsib Heiq- cuengh buenxciengq、 ngeih- yienz ndokmax、 ngeihyienz、 dizginz hung daengj dinfwngz buenxciengq nem lijlun, vih daezsang gak Heiqcuenghduenz yezyiz yozgi buenxciengq suij- bingz dwkroengz giekdaej ndei.

(Nungz Yungjfang)

●4 nyied 22 hauh, boux- hek youq Aen Gingjgih Gexlueg Denhsuh Mungzsanh Yen guh- caemz, bae yawj gingjsaek ndei. Mungzsanh Yen aeu cauxlaeb aen yienh okmingz lijyouz daegsaek Guengjsae guh seiz- heiq, gyalai haifat byaraemx vwnzva lijyouz, youq Gexlueg Denhsuh、 Byacaz Denhhuz daengj gingjgih hai gij youz byaraemx caengaenh swh- yienz、 saekloeg swnghdai, baez daengz ngoenz singhgiz yinx ndaej haujlai bouxhek daeuj yawjngonz gingjsaek.

(Gvanh Sinh)

●4 nyied 20 hauh, Lungz- swng Gak Cuz Swciyen Lungzciz Cin Cunghluz Cunh banh aen yizsi caeqbaiq gocaz geq. Beix- nuengx Yauzcuz dangdieg ciuq conzdungj fungsug, haiguh caeqbaiq gocaz geq、 ciengq fwen mbaetcaz、 diuq foux mbaetcaz、 langhbaij lwgsau Hungzyauz “mbin sang mbaet- caz” daengj hozdung, baijyienj gij fungsug conzdungj caeqbaiq gocaz Lungzciz laebdaeb cien bi haenx, cungfaen langhbaij gij yinxdaeuz daegbied Lungzciz caz vwnzva.

(Banh Cisiengz)

●Gaenh bi neix daeuj, Liujcwngz Yen doenggvaq hwnjlaeb dieg guhyiengh yinx- lingx, haenqrengz doigvangq nungzyez gihgaiva, daezsang nungzyez yauqik. Aen yienh neix gak gaep nungzyez、 nungzgih bumwnz maedciet doxgap, doicaenh nungzgih nungzyi doxyungz, haenqrengz haiguh hong doigvangq guh- yiengh cienzbouh gihgaiva ndaem haeuxnaz、 ndaem oij, aeundaej cingzyauq ndei.

(Loz Yangzlij)