Bi 2016, Lungzlinz gaenjndaet hopheux gij hwngfat lohnaemj “laebdin swhyenz、 ciengj gaem seizheiq、 gohyoz gveihva、 gyalai douzhaeuj、 laebndei sezsih、 gaijndei vanzging”, gyavaiq lijyouz haifat hwngfat baenaj, daengx yienh lijyouz gvaenghgyaq dijhi ngamq baenz yiengh, canjnieb gveihmoz mbouj- deunh gyahung, giekdaej sezsih nem boiqdauq goengnaengz ngoenz ndei gvaq ngoenz, ciepdaih naengzlig caeuq fugsaeh caetliengh mboujduenh daezsang. Bi 2016 ciepdaih lijyouz cungjsoqvunz 85.1 fanh vunzbaez, doengzbeij demlai 7.5%, saedyienh lijyouz cungjsouhaeuj 8.98 ik maenz, doengzbeij demlai 28.4%, saedyienh hong lijyouz hamj hwnj mbaek lae moq.

Ciuq gij anbaiz hong bangfuz Guekgya Lijyouzgiz caeuq Swcigih Lijfazveij, daengz bi 2020 doenggvaq hwngfat lijyouz canjnieb saedhengz lijyouz bangfuz aeu bangcoh vunz gungzhoj 17% doxhwnj saedyienh vut gungz. Ciuq aen yinvu neix, Lungzlinz nyinhcaen cujciz haiguh cingcinj faenbied lijyouz mbanjgungzhoj, doiq gij gyaudoeng diuzgienh、lijyouz swhyenz、 gij siengjmuengh vunzlai dangdieg haifat lijyouz daengj yinhsu 88 aen mbanjgungzhoj daengx yienh guh cunghab ngeixnaemj, doiq mbangj mbanjgungzhoj miz giekdaej hwngfat lijyouzyez guh genjleh moq, caemh- caiq dingh ok lijyouz bangfuz dajveh codaeuz. Ciuq 《Baksaek Lijyouz Bangfuz Sam Bi Hengzdoengh Dajveh》, bi 2016 hainduj le hong lijyouz bangfuz Mbanjdwzngoz caeuq Mbanjsanhcungh Dwzngoz Cin.

Bi 2016 Lungzlinz hopheux gij moegbiu dajcauh “fungcingz lijyouz minzcuz baihsae Guengjsae caeuq dieg lijyouz ciengx ndang youqndwi swnghdai”, banh baenz bi 2016 Cungguek(Lungzlinz) gaiq daihsam “Nanzbanzgyangh beih” ndaw dah epbya doxdax、Cungguek(Lungzlinz)·Dunghmungz youq diegraemx swyenz epbya doxdax、 minzcuz vwnzva langhbaij hozdung nem ciet diuqbo Myauzcuz、 ciet bogfeiz Yizcuz、 ciet cimzmoq Gwzlaujcuz caeuq hoihfwen Bouxcuengh daengj ciet hung angqhoh hozdung gak siujsoq minzcuz, mboujduenh hawj Lungzlinz miz- mingz.

(Veiz Ginyuz/韦珺儒)